«Куранды» аңдап түшүнүү методу

Аннотация

«Куранды» туура түшүнүү үчүн зарыл болгон методдору өздөштүрүү максатка ылайыктуу болот. Ар бир тармакта жазылган эмгектин өзүнө ылайыктуу ык-жолдору жана методдору болгондой, «Куранды» да түшүнүү үчүн анын өзүнө тандык болгон методдорун таанып-билүү жана практикалык мааниде өздөштүрүү көндүмү менен ишке ашат.

Ошол эле учурда төмөнкүлөрдү билүүбүз кажет:

• «Курандын» жер бетине келүүсү;
• Пайгамбар аркылуу адамзатка жеткирилүүсү жана барактарга жазылуусу:
• Пайгамбар өзү баш болуп, сахабалардын жана башка ар бир Куран жаттоочунун жадында жатталып сакталуусу;
• ичиндеги темалардын башка китептерге окшобогон таризде берилиши, өзгөчө бир орунга ээ болуп саналат.

Биздин бул илимий изилдөөбүздүн негизги багыты, мына ушул айтылган өзгөчөлүктөрдү чагылдырган мисалдар менен «Курандын» маани-мазмунун так жеткирүү жана түшүндүрүү методдорун ачып берүү болот. Бул методдор жыйнагын ачык-так түшүндүоүү үчүн белгилүү окумуштуулардын эмгектеринен өрнөктөрдү сунуштайбыз.