Ваххабийликтин сынга алынышы жана салафийлер менен мамилеси

Аннотация

Нечен жылдардан бери мусулмандардын көпчүлүгү тарабынан кабыл алынып келген Ахли сүннөт вал-жамаат мазхабы кеңири тараган аймактарда “ахлу бидъатка” каршы күрөшүүлөр негизинен илимий усулдарды колдонуу менен жүргүзүлгөн. Тарыхта диний маселелердеги ихтилафтардын (түшүнбөстүк, айырмачылык) саясий максатта колдонулушун жана кээ бир ваххабийлик сыяктуу ахлу бидъат фиркалардын кылган иштерин эске албаганда мусулмандар арасында өз пикирин таңуулоодо “зордук зомбулук” методун колдонгондор болгон эмес. Бул макаланы даярдоодо ваххабийликтин таянган булактарын изилдөө жолу менен алардын көз караштарын аныктаган соң, ошол көз караштар, пикирлер тууралуу Ахли сүннөт аалымдарынын да пикирлерине жана талкууларына орун берүү аркылуу сынга алдык. Анткени, окурмандын бул тармакта туура маалымат жана татыктуу, ар тараптуу билим алуусу үчүн мүмкүнчүлүк түзүп берүү милдетибиз.