Журналдын саясаты
Журналдын максаттары
- Кыргызстандык жана чет өлкөлүк изилдөөчүлөрдүн ортосунда профессионалдуу диалог чөйрөсүн кеңейтүү.
- Дүйнөлүк жана ата мекендик илимий коомчулуктун теориялык жана прикладдык изилдөөлөрүнүн оригиналдуу натыйжаларын көрсөтүү, ата мекендик жана чет элдик окумуштууларды тартуу аркылуу эл аралык илимий мейкиндикти түзүү.
- Перспективдүү жаш адистерди журналдын темасына ылайык илимий долбоорлордо иштөөгө тартуу.
- Кыргызстандык жана чет элдик кесипкөй коомчулуктардын кызматташтыгын кеңейтүү үчүн байланыш платформасын түзүү.
- Окурмандарды илимий изилдөөлөрдүн алдыңкы дүйнөлүк тажрыйбасы менен тааныштыруу.
Журналдын милдеттери
- Окумуштууларга өздөрүнүн изилдөөлөрүнүн жыйынтыктарын жарыялоо мүмкүнчүлүгүн берүү.
- Илимий басылмалардын эл аралык деңгээлине жетишүү.
- Илимий изилдөөлөрдүн эң актуалдуу, перспективдүү жана кызыктуу багыттарына көңүл буруу.
- Журналга ата мекендик жана чет өлкөлүк абройлуу авторлорду, жогорку деңгээлдеги адистерди тартуу.
- Кыргызстандын аймактарындагы изилдөөчүлөрдүн ортосунда пикир алмашууну камсыз кылуу.
- Библиографиялык, анын ичинде эл аралык маалымат базаларына кирүү.
- Журналдын импакт-факторун жогорулатуу.
- Журналды эл аралык жана Кыргызстандык рынокто таанытуу.
Редакциялык саясаттын негизги принциптери
Басылмага шилтеме берүү мүмкүнчүлүгүн камсыз кылуу, автордун жана журналдын цитаталоо индексин жогорулатуу максатында, журналга макала жөнөткөн автор ушуну менен аны журналга жарыялоого, журналдын интернет сайтына ачык негизде жайгаштырууга жана макаланын текстин (анын ичинде шилтемелер, библиографиялык маалымат ж.б.) берүүгө макулдугун билдирет.
Макалаларда келтирилген фактылык материалдар жана маалыматтар үчүн авторлор жооптуу.
Журналга жайгаштырылган материалдар авторлордун жеке көз карашын чагылдырат, ал редакциянын көз карашынан айырмаланышы мүмкүн.
Материалдарды жарыялоо же четтөө жөнүндөгү чечимди редакциялык коллегия, акыркы чечимди журналдын башкы редактору кабыл алат.
Макала жарыялаган авторлорго гонорар берилбейт.
Редакция вправе отклонить ненадлежащим образом оформленные либо не относящиеся к тематике журнала материалы. Основанием для отказа может послужить отрицательная рецензия на представляемый материал, несоблюдение автором материала действующего законодательства об авторском праве и смежных правах.
Редакция макалага коюлган талаптарды так аткарбаган же журналдын темаларына тиешеси жок материалдарды четтөөгө укуктуу. Берилген материалды четтөөгө анын терс рецензия алуусу, автордун автордук укук жөнүндөгү мыйзамдарды сактабагандыгы негиз болушу мүмкүн.
Редакция четтелген материалдардын авторлору менен талкуу же тартышууга кирбейт.
Редакция кол жазманы кыскартууга жана редакциялык өзгөртүүлөрдү киргизүүгө укуктуу.
Кол жазмалар кайтарылбайт.
Редакцияга келип түшкөн макалаларды жарыялоо боюнча чечимди кабыл алуу журналдын редакциясына жүктөлөт. Жарыялоо чечими макаланын актуалдуулугуна, илимий жаңылыгына, ишенимдүүлүгүнө жана практикалык маанисине негизделет.
Рецензенттерге карата конфиденциалдуулук, объективдүүлүк, ачык-айкындуулук жана өз пикирин негиздүү билдирүү талаптары коюлат.
Журналга жарыялоо үчүн өз макалаларын жөнөткөн авторлордон төмөнкү принциптердин сакталышы күтүлөт:
- изилдөө темасынын актуалдуулугу,
- изилдөөнүн илимий жаңылыгы,
- илимий корутундулардын негиздүүлүгү жана ишенимдүүлүгү,
- изилдөө натыйжаларынын практикалык мааниси,
- колдонулган эмгектерге библиографиялык шилтемелердин болушу;
- макалада келтирилген натыйжаларга же корутундуларга байланыштуу потенциалдуу кызыкчылыктардын кагылышуусун ачык көрсөтүү.
Ачык жеткиликтүүлүк саясаты жана архивдөө
«Ош мамлекеттик университетинин Жарчысы. Медицина» журналы өзүнүң расмий сайтына ачык кирүү мүмкүнчүлүгүн берет. Бул дүйнөлүк илимий коомчулукка журналга кеңири маалымат алуу мүмкүнчүлүгүн камсыз кылат.
Журнал BOAI Будапешт демилгесинде иштелип чыккан ачык жетимдүүлүк саясатын карманат жана өзүнүн контентине ачык кирүү мүмкүнчүлүгүн берип, дүйнөлүк деңгээлде билим алмашууга жана изилдөө натыйжаларын жайылтууга жардам берет. Журнал жарыяланган материалдардын максималдуу жеткиликтүүлүгүн камсыз кылуу саясатын жүргүзөт. Журналдын баардык контенти интернетте окуу, жүктөп алуу, көчүрүү, жайылтуу, басып чыгаруу үчүн ачык. Ар бир колдонуучу сайт ичинде издөө жасап, макалалардын толук текстине шилтеме жасай алат же аларды, эч кандай каржылык, юридикалык же техникалык тоскоолдуктар болбосо, башка мыйзамдуу максаттарда колдоно алат.
Ошондой эле журналдын сайтында журналдын ишмердүүлүгү тууралуу авторлор жана окурмандар үчүн зарыл болгон маалыматтар бар: басып чыгаруу шарттары, кол жазмага коюлган талаптар жана аны журналга жөнөтүү жолдору, журналдын түзүүлүү жана кол жазмалардын рецензиялоо тартиби, жарыялоо этикасы, редколлегия жөнүндө маалымат, илимий редактордун жана жооптуу катчынын байланыш маалыматтары.
Окурмандар жана авторлор журналдын веб-сайтынан журналдын учурдагы санынын электрондук версиясын жана мурунку басылмалардын архивдерин эркин көрүп жана жүктөп ала алышат. Creative Commons Attribution License (CC BY-NC 4.0) лицензиясынын шарттарына ылайык, журналдын баардык басылмалары электрондук түрдө бекер жана чектөөсүз таратылат.
Автордук укук жана лицензиялоо
«Ош мамлекеттик университетинин Жарчысы. Медицина» журналындагы макалалардын авторлору эмгектери менен бирге журналга басып чыгаруу укугун өткөрүп беришет, аны Creative Commons Attribution License (CC BY-NC 4.0) лицензиясы менен лицензиялаган болушат. Жарыяланган эмгектин автордук укук ээси болуп басып чыгаруучу – Ош мамлекеттик университети эсептелет.
Кол жазманын авторлугу кол жазманы түзүүгө, идеяны калыптандырууга, макала жазууга, жыйынтыктарды чечмелөөгө түздөн-түз катышкан жана илимий жыйынтыктарды өндүрүүгө чоң салым кошкон изилдөөчүлөргө таандык болушу шарт.
Creative Commons Attribution License лицензиясынын шарттарына ылайык, авторлор өз кол жазмаларына болгон укуктарды сактап калышат, ошол эле учурда башка адамдарга милдеттүү түрдө бул эмгектин авторун көрсөтүү жана бул журналдагы басылмага шилтеме берүү менен аларды эркин жүктөп алууга, колдонууга, кайра басып чыгарууга, өзгөртүүгө, жайылтууга же көчүрүүгө уруксат берет. Журналга шилтеме берилген соң, баардык бул иш-аракеттер үчүн авторлордун же басып чыгаруучунун уруксаты талап кылынбайт.
Авторлор өз макаласын башка булактарда (мисалы, институттук архивдерде, социалдык түйүндөрдө ж.б.) бул журналдагы анын түп нускасына милдеттүү шилтеме берүү менен тарата алышат.
